alam mo ba

remember me…?

bampira — Tue, 30 Nov 2010 03:45:09 +0000

sino ako
nakalimutan na ba
ilang araw lang nawala
nakalimutan akong bigla
para akong toilet tissue
matapos ipunas sa wetpu
ipaflush sa inidoro
nakalimutan akong bigla
saklap naman talaga
para akong lobo
matapos pindot-pindutin
hahayaang lumipad sa hangin
nakalimutan akong bigla
ngunit wala akong magagawa
hindi siguro ako maalala talaga
ok lang kung ganun
ibubulong ko na lang sa hangin
pangalan na naiwaglit
isisigaw para sa kanya makarating

crying…

bampira — Thu, 25 Nov 2010 01:48:00 +0000

ok lang ako
nakakangiti pa ako
pero ng makita kita
hinawakan mo ng mahigpit ang aking kamay
huminto ka at sinabi mong “hello”
sabay kinumusta mo ako…
kahit alam mong di ako ok
umiiyak ako dahil sa yo
manhid ka…
umiiyak ako dahil sa yo
tuod ka
tapos sasabihin mong “so long”
iniwan mo akong nag-iisa
nag-iisa at lumuluha
hindi ko maintindihan
ang mga hawak mo sa akin
nagsimula akong umiyak
pero totoo… oo totoo
hindi kita makakalimutan
pero anong magagawa ko
hinawakan mo ang aking kamay
sabay tutok sa tagiliran “hold-up to!”

sa pagtanda…

bampira — Thu, 25 Nov 2010 01:28:08 +0000

ako’y tumingin sa salamin
at aking inulit pa din
nakita ko ang aking eyebags
lumaki na’t parang bag
mga guhit sa mukha
naging double lanes na
pati hair ko’y puti na
ibig kumawala sa paglitaw
di na maitago ang pagtanda
ganda ko’y lipas na
kahit si belo o calayan
hindi na ito makakayanan
isa lang ang di nagbago
ang ugali kong pambata
uodin man sa paglisan
nakangiti pa ring magpapaalam

fs!!!

bampira — Wed, 01 Sep 2010 00:04:35 +0000

Ilang gabing naghihintay sa yo

Naiinis na sa sarili ko

Gusto ko ng kalimutan ka

Nasayang lang ang gabi ko

Ngunit bakit ang f…s… mong pangalan

Palaging nasiksik sa aking isipin

Kung pwede ko lang hugutin at tapakan

Tirisin, pukpukin, saksakin at tadyakan

Tiyak pangalan mo’y mapupulbos ko rin

Pero andito pa rin ako naghihintay say o

Kahit na saktan mo pa ako sa ginagawa mo

Titiisin ko na lang para say o

Ngunit bakit ang f…s… mong pangalan

Ang palaging laman ng isipan

May gayuma bang dala yan

Sa pangalan mo ako’y hibang

Para kang shabu isip ko’y di makatulog

Para kang marijuana isip ko’y lutang na

Para kang cocaine isip ko’y baliw na yata

Trip ko lang ika’y binyagan

Fucking Shit sana ang iyong pangalan!!

kahit wala ka

bampira — Wed, 17 Mar 2010 10:54:07 +0000

nakita ko na ang liwanag
natatanaw ko na ang araw
ngunit bakit parang may kulang
bakit hindi ko madama ang sikat ng araw
bakit may lamig pa rin akong nararamdaman

hindi… kailangan kong tumayo
hindi… kailangan kong tumatag

dapat ko bang bigyan pa ito ng pansin
dapat ko pa bang bigyan ng panahon
marami ng pinagdaanan
marami ng iniluha
dapat ba akong tumigil

hindi… kailangan kong tumayo
hindi… kailangan kong tumatag

dapat ba akong paagos sa aking nararamdan
dapat ba akong lumingon sa pinagdaanan
hindi pa ba sapat ang kinasadlakan
hindi pa ba sapat ang pinadama

hindi… kailangan kong tumayo
hindi… kailangan kong tumatag

nasayang man ang lahat
hindi na kailangan balikan
tama na ang sakit
tama na ang kirot

hindi… kailangan kong tumayo
hindi… kailangan kong tumatag

ikaw ba’y bato

bampira — Sun, 14 Mar 2010 15:44:11 +0000

Ako’y kausapin naman
Gabi-gabi’y lumuluha
Tumatawa ngunit walang saya
Nakatanaw sa konting patawad
Alam kong puso mo’y hindi bato
May puwang pa din sana sa puso mo
Hindi ko hinihingi ang lahat sa yo
Patawad lang ang inaantay ko
Ako’y kausapin naman
Araw-araw dumadalangin
Na ako’y pansinin mo rin
Na matapos na itong daladala
Sa dibdib mabigat na
Baka lumaki mahirap na
Wala ng brang kakasya sinta

nag-iisa…

bampira — Fri, 05 Mar 2010 04:55:42 +0000

tahimik ang paligid
patak ng luha ang naririnig
madilim walang maapuhap
inaaninag ang liwanag
humihikbi nagdurusa
malungkot nag-iisa
mga tawa naglahong bigla
walang makapitan
nasa’n ang ingay… ito’y nakakabingi
nasa’n ang liwanag… ito’y nakakabulag
nasa’n ang halakhak… ito’y nakakabaliw
nasa’n ang ligaya… nagtago na kaya
natapos na ang lahat
wala na kaya…
kundi…. nag-iisa.

sorry na…

bampira — Wed, 24 Feb 2010 08:00:38 +0000

Sorry na puwede ba
Wag ng magalit sa akin sinta
Oo kasalanan ko talaga
Nasaktan kita, aaminin ko
Sana naman pagbigyan ako
Pagsamo sana dinggin mo
Puso ko’y nahihirapan na
Kahit sulyap lang sana
Mapawi lang ang lumbay
Na aking nadarama

Nasaktan kita, sorry na
Sorry na pwede ba
Ngiti naman sana
At ako’y kausapin na
Lahat ay gagawin ko
Masuyo lamang kita
Tatawid ako sa sinulid
Lalangoy ako sa tabo
Kakain ng palaka
Pero kailangan adobo ha

Hindi Ko Kaya

bampira — Mon, 30 Nov 2009 10:58:32 +0000

Hindi ko kaya… bakit hindi ko makaya. Masakit man sa akin… alam mo yan pero pinili ko pa ring iwan ka. Dahil alam kong ito’y tama … maraming humahadlang sa atin tuwing tayo’y magkasama. Ngunit bakit palagi kang nagpapakita sa akin… tinutukso… tinatawag. Nadudurog ang puso ko kapag may nakahawak sa yong iba. Nasasaktan ako kapag nakikita kong labi nila’y nararamdaman mo. Alam ko masaya sila sa piling mo… at yan ang palagi mong pinapakita sa akin. Lahat sila’y nababaliw sa ligayang dulot mo… Ngunit bakit palagi ka sa aking harapan… tinatawag mo ang aking pangalan… nahihirapan ako… lalo ngayong wala akong kasama sa aking pag-iisa. Lumapit ka sa akin … pikit matang ika’y hinawakan… alam mong ako’y nagpipigil … ngunit amoy mo pa lang ako’y napapapikit at ika’y dumampi sa aking mga labi. Binigay mo ulit ang matagal ko ng hindi nararamdaman. Andito ka ulit sa aking tabi. Sinamahan mo ako sa aking pag-iisa… pina-ikot mo ang diwa kong ayaw gumana. Ginising mo ang dugo kong matagal ng natutulog. Sa bawat dampi mo sa aking labi… Ahhhh … hindi ko kaya… hinahanap pa rin kita… ikaw ang karamay sa aking pag-iisa… ang anino mo’y pilit pumapasok sa aking katauhan. Kahit saan ikaw ay hahanapin… naglalaway sa pananabik.. hindi ko kaya… kahit ngayon lang…. wag mo muna akong iwan….
“’Ta Mary, isang stick nga po ng yosi yung lights… pasindi na rin. Hay! Namiss ko ang yosi…”

masaya ba ako… oo masaya ako

bampira — Tue, 24 Nov 2009 02:25:35 +0000

Masaya ba ako… Oo, masaya ako
Maririnig mo ang dagundong ng aking halakhak
Masaya ba ako… Oo, masaya ako
Mauulinagan mo ang pagpihit ng aking pagtawa
Masaya ba ako… Oo, masaya ako
Makikita mo ang tamis ng aking ngiti
Masaya ba ako… Oo, masaya ako

Ngunit bakit ka nagtataka
Nang makita mong mata ko’y walang saya
(wala lang net…)
Ngunit bakit ka nagtataka
Nang makita mo sa aking pagtulog ako’y may luha
(napagod sa pagcomputer)
Ngunit bakit ka nagtataka
Nang makita mong lagi akong tulala
(naka-adik lang ako non)
Ngunit bakit ka nagtataka
Nang makita mong sa gabi ako’y balisa
(may lbm ako hehehe)

Ngunit… Shhhhh
Oo, tama ang lahat ng nakita mo…
Ako’y humahalakhak pero mata ko’y may luha
(baliw… tamang baliw lang)
Ako’y tumatawa pero mukha ko’y walang ligaya
(minsan tupperware ako eh)
Ako’y ngumingiti pero ito’y ngiwi
(baka kasi bagay sa akin ang crooked smile)
Basta … oo masaya ako at yan ang trip ko